21 февральыште Йошкар-Оласе 19-ше №-ан школышто «Без срока давности» проект почеш «Благодарю за службу!» документальный фильмын премьерже лийын.
Тудым ФСБ-н Марий Эл Республикысе управленийжын пашаеҥже-влак Кугу Отечественный сар жапысе але марте секретыште кучымо дела дене палдарыме архивный материал негызеш войзеныт. Тушто немыч армийын капитанже Вальтер Георг Витцельын кӱштымыж почеш Орёл олаште да ты кундемыште 400 утла пӧртым да ятыр инфраструктурым пытарыме, моло осал пашамат ыштыме нерген ойлалтеш.
Школыш фильмым ямдылымаште тыршыше писатель Н.Н.Лузан толын да шуктымо пашаж нерген оҥайын каласкален.