Сар годсо пагыт ончыкталтеш

26 августышто Йошкар-Оласе кӱртньыгорно вокзалыш «Сеҥымаш поезд» толын.

Тиде куснылшо тоштерыште Кугу Отечественный сар годсо неле пагытым ончыктымо. Выставкын экспозицийже шкешотан. Вагонлаште тусо жапыште илыше еҥ, салтак-влакын образыштым скульптур полшымо дене почын пуымо. Тыгак видеопроектор, видеопырдыж, тач-ӱстел дене тул, йӱк эффектым ыштыме.

Тыгай тоштерыш пураш оксам тӱлыман огыл. Лач проектын сайтыштыже регистрацийым эртыман да ойырен налме кечылан да жаплан электрон билетым налман.