Курыкмарий районын чолга самырык еҥже-влак дене Марий Эл Правительстве Председательын икымше алмаштышыже М.Васютин, Курыкмарий район администрацийым вуйлатыше Н.Арганякова, «Агропродукт» ялозанлык потребительский кооперативын председательже С.Ильин вашлийыныт.
Тудо «йыргешке ӱстел» семын эртен. Тушто самырык еш-влаклан кузе полшаш лийме шотышто йодышым тарватеныт. Тыгак тӱҥалше фермер-шамычлан субсидийым да грантым кузе налаш лиймым каҥашеныт. Участник-шамычым школ воктенысе автокорнышто машина дене писын кудалыштше-влак тургыжландарат. Садлан тыгай верыште скоростной режимым иземдаш темленыт. Тыгак Виловат селаште чоҥен шуктыдымо спорт объект, районысо школлаште кызытсе илышлан келыштаралтше спорт площадкым да чаракым ыштыман полоса-влакым ышташ кӱлмӧ нерген мутланеныт. Районысо ял шотан илемлаште частный спорт секций-влакым почаш палемденыт. Тидлан кӱлеш пунчалымат пеҥгыдемденыт.
Вашлиймашым мучашлыме годым самырык еҥ-влаклан Марий кугыжаныш университетыште дистанционно тунемаш йӧн улмо нерген палдареныт.