Марий Эл гыч туныктышо «Педагогический дебют» конкурсышто шке мастарлыкшым терга. Тений ты конкурс Москосо 1518-ше №-ан школышто эртаралтеш.
Д.В.Смирнова Йошкар-Оласе Т.И.Александрова лӱмеш 11-ше №-ан лицейыште англичан йылмым туныкта. Дарья Вениаминовна «Молодые учителя» номинацийыште таҥаса. Тудлан урокым вӱдымаште, шке паша дене палдарыме презентацийым ончыктымаште, педагогический задачым шуктымаште да калык ончылно шкем ончыктымаште мастарлыкшым почын пуыман.
Конкурс паша-влак деч посна самырык педагог-влаклан поян программым ямдыленыт: «йыргешке ӱстел», Кугыжаныш Думын да Просвещений министерствын еҥышт дене вашлиймаш-шамыч, эксперт-влакын мастер-классышт, рӱдоласе школлаш лектын коштмаш.
«Педагогический дебют – 2025» конкурсым таче, 11 апрельыште, иктешлат.
Марий Элысе Образований да науко министерствын сайтше гыч налме фото.