26 майыште профессиональный тунемме организацийлаште тыршыше самырык туныктышо-влакын «Зеленая фиеста» фестивальышт эртаралтын.
Тений тудо Туныктышын да наставникын идалыкыштлан, писатель К.Д.Ушинскийын шочмыжлан 200 ий да И.К.Глушков лӱмеш Оршанкысе шуко профилян колледжлан 60 ий теммылан пӧлеклалтын.
Фестивальыш техникумысо да колледжысе 11 команде ушнен. «Самырык педагог-влак» тӱшкаште сеҥышыш Йошкар-Оласе технологический колледжын туныктышыжо Надежда Александрова, И.К.Глушков лӱмеш Оршанкысе шуко профилян колледжын туныктышыжо Татьяна Кузнецова, Йошкар-Оласе строительный техникумын туныктышыжо Валентина Дубинина ден Елена Осокина, Марий чодыра озанлык техникумын преподавательже Игорь Коноплев лектыныт.