тыге каласен Марий Элым Вуйлатышын пашажым жаплан шуктышо Ю.Зайцев августысо конференцийыште.
Конференцийым Медведевысе 4-ше №-ан кыдалаш школышто эртарыме. Тудым кодшо ий мучаште «Образований» нацпроект почеш чоҥымо. 825 веран у школ 1 сентябрьыште шке омсажым почеш. Педагог-влак ситышын улыт, 30 классым погымо. У школым почмо дене кокымшо сменыште тунемше 454 еҥлан шагалемын.
Конференций деч ончыч Ю.Зайцевлан спортзалым да класс-влакым ончыктеныт. Школ директор Л.Дышкантын ойлымыж почеш, тунемме верыште «ушан» кӱваран рекреционный зоным, инвалид-влаклан инфраструктурым, естественный ден инженерный науко лабораторийым ыштыме, робототехникылан, технологийлан, психологийлан, логопедийлан кабинет-влак, мультимедийный книгагудо, лингафонный кабинет, фотостудий да савыктыме рӱдер улыт.
