30 мартыште республикысе Самырык-влаклан полатыште Самырык педагог да наставник-влакын VIII усталык фестивальышт эртаралтын.
Тыште республикын тӱрлӧ кундемже гыч толшо 18 команде таҥасен. Тений фестиваль Российысе образований профсоюзын спорт да тазалыклан пӧлеклалтше тематический идалыкше, тыгак Марий Элысе профсоюз-влак организацийлан 100 ий темме дене кылдалтын.
Ик эн тӱҥ приз дене (Ончышо-влаклан келшыме приз) Оршанке посёлкысо И.К.Глушков лӱмеш шуко профилян колледжын командыже палемдалтын.