6-7 октябрьыште Йошкар-Ола воктенысе «Лесная сказка» санаторийыште самырык туныктышо-влакын слётышт эртаралтын.
Тушто шинчымашын у форматше дене палыме лийыныт, шкенан палыме педагог-влак деч мастер-классым налыныт, мутланыме (коммуникативный) тренингыш, педквизыш ушненыт, дискотекыште лийыныт, фильмым онченыт. Тыгак Марий Элысе образований да науко министр Л.Ревуцкая дене вашлийыныт.
Марий Эл Республикысе Образований да науко министерствын данныйже почеш, тений школлашке 103 туныктышо пашаш толын. Тидыже ӱмашсе дене таҥастарымаште кок пачаш шукырак.