«Культур» нацпроект кышкарыште Кужэҥер посёлкысо йоча сымыктыш школышко у музыкальный инструмент-влакым конденыт.
Самырык музыкант-влаклан 10 скрипкым, 4 баяным, 3 аккордеоным да 2 пианиным налыныт. Тылеч посна школлан 50 наре тунемме пособийым да кызытсе жаплан келыштарыме оргтехникым пуат.
Ӱмаште ты нацпроект полшымо дене республикысе 4 сымыктыш школ семӱзгарым, оборудованийым да литературым налын. Тидлан 15,9 миллион теҥгем ойырымо.
Минкультуры Республики Марий Эл ТГ-канал гыч налме фото-влак.