Ум шымлаш, тунемаш ит ӧркане. Кызытсе илышыште тайм-менеджмент, финанс грамотность дене шинчымашым нӧлташ уто огеш лий.
Цельым палемде. Кугун мечтатле, но тыгодым кажне кечылан планым чоҥо. Вет тый тунеммылан веле огыл, каналташат жапым мушаш улат. Тидыже пашам куштылемдаш сайын полша.
Шкем кычал. Тидлан тӱрлӧ хоббиште шкем терген ончо. Школ да класс деч ӧрдыжысӧ мероприятийлашкат ушно. Тыге шкендын виян улметым шижын кертат.
Пеҥгыде лий. Йоҥылыш деч ит лӱд. Нуным урок семын шотло да ончыко сай шонымаш дене ошкыл.