«Эн сай самырык преподаватель-2023» конкурсышто сеҥыше-влак рашемыныт.
Икымше верым Марий политехнический техникумын преподавательже Н.А.Петухова сеҥен налын. Кокымшо верыш Йошкар-Оласе технологический техникумын преподавательже Ирина Токтаева лектын. Кумшо вер дене Оршанкысе И.К.Глушков лӱмеш шуко профилян колледж гыч Татьяна Кузнецова палемдалтын.
Конкурсышто сеҥыше республикын чапшым вес этапыште арала – тудо Чебоксарыште 2-10 октябрьыште эртаралтеш.
