Тений А.В.Алексеев 27 октябрьыште 65 ийым тема. «Знамя» озанлыкыште вич ий ворандарен шогымо пагытыште тудо ятыр кугу пашам тарватен. Вуйлатышын ура чонан койышыжлан кӧрат Руш Шой кундемыште у школ, йочасад, зерноток, склад-влак чоҥалтыныт.
«Эн тӱҥ пашамлан Чодыраял воктенысе Корамас чодыра гыч тӱҥалын, Руш Шой марте, Аҥанур гыч Саламатнурыш, тушеч Шойдӱҥ ден марте асфальт корным ыштыктымым шотлем. Шойдӱҥыштӧ, Саламатнурышто да Руш Шойышто вӱдпучым шупшынна. Вуйлатыме годымак Руш Шойышто кок пачашан йочасадымат нӧлташ пижме. Саламатнурышто яра верыште сӧсна ферме комплексым чоҥышна. Шойдӱҥыштӧ 300 ушкаллан кок ферме комплексым ыштыме. Аҥанурышто кум фермым капитально олмыктенна. Аҥанур зернотокышто КЗС-25 манме барабанный агрегатым республикыште эн ончыч вераҥденна. Тыгак тушто АВМ-ым, кок кугу складым ыштышна – икманаш, кеч ночко, кеч кукшо шурно толмо годым иканаште переработкыш колталтеш, тушто кошка да вигак складышке логалеш. Руш Шойышто трактор-шамычлан арочный гаражым, шапашужаш складым да ялозанлык машинам тӧрлымӧ пунктым (тидыжым эн кӱлешанлан шотлем) ыштенна».
Снимкыште: вате-марий Алексеевмыт да нунын пӧртышт.
Умбакыже материалым «Кугарня» газет 7-ше майысе номерыштыже лудса.
