Марий Элыште Самырык-влакын полатышт «Судьба солдата» проект дене пашам ышта. Ты проект Кугу Ачамланде сарыште йомшо салтак-влакын пӱрымашыштым пален налаш але колышо военнослужащий-шамычым муаш полшышаш.
Йомшо салтак нерген йодмашым пуаш посна анкетым возыман да яшлыкыш пыштыман. Ты яшлык Йошкар-Олаште Самырык-влак полатын фойештыже шога. Яшлыкыш логалше чыла документым «Воскресение» кычалше студент отрядыш колтат. Анкетым тыгак SPOvoskresenie@yandex.ru электрон адресыш возен колташ йӧн уло.