СВО-што вуйым пыштыше сержант Алексей Козловын аваже Курыкмарий районысо Н.Игнатьев лӱмеш краеведческий тоштерыште лийын.
«Защитники Отечества» фондын Марий Элысе филиалжын социальный координаторжо-влак Н.Ершова ден О.Зайцева ты мероприятийыш ушненыт. Уна-влаклан «Погибли, защищая Отечество» экспозицийым ямдылыме, боевой заданийым шуктымо годым вуйым пыштыше салтак-шамыч нерген каласкаленыт. Елена Софроновна тоштерлан шке эргыж нерген шарнымаш шильдым пӧлеклен. Тиде шкешотан еш памятник. Тусо QR-кодым сканироватлен, Алексей Козловын биографийжым пален налаш лиеш.
«Защитники Отечества» фондын Марий Элысе филиалже гыч налме фото.