Марий Элысе УФСИН-ын ончычсо начальникше Владимир Шевнин Калык фронт фондыш легковой прицепым колтен.
3-шо №-ан исправительный колонийын начальникше С.Редькинын полшымыж дене транспортный средствам мер организацийын офисышкыже намиен шуктымо. Ты прицеп ик тонн марте нелытым шупшыкташ келыштаралтын, шапаш ораважат уло. Боевой задаче-влакым шуктымаште сайынак полшышаш.
Владимир Александрович СВО-н участникше Дмитрий Ивановлан (лӱм ден фамилийым вашталтыме) транспортный средствалан документым кучыктен.
Калык фронт фондын исполкомжым вуйлатыше В.Севастьянов уна-влак дене офисыште вашлийме годым экскурсийым эртарен, фондын пашаж дене палдарен. Организаций пашаеҥ В.Коптелин толшо-влаклан Йошкар-Оласе 10-шо №-ан школышто тунемше-шамычын художественный пашаштым ончыктен, нуным салтак-влаклан СВО-ш колтышаш улыт.
Марий Элысе УФСИН-ын фотожо.