Йошкар-Оласе «Светлячок» 27-ше №-ан йочасадын пашаеҥже-шамыч СВО-што улшо боец-влаклан окопысо сортам ыштеныт.
Тыште СВО-н участникше-шамычлан эреак полшат. Йоча-шамыч военнослужащий-влаклан сӱретым сӱретлат да воспитатель дене пырля поро шомакым возат. Йочасадын коллективше гуманитарный полышым пога.
Шукерте огыл педагог-шамыч окопысо сортам ыштеныт. Нунын мутышт почеш, боец-влак иктаж заданийым шукташ каят але дислокаций верым вашталтат гын, тыгай окопысо сортам рюкзакыште коштыктен кертыт. Тудын дене тушонкым, мискыште вӱдым вашке ырыкташ лиеш. Сортам йӧрташ да уэш чӱкташ йӧнан, маныт.