Йошкар-Олаште Россий Армий тӱвыра пӧртыштӧ маскироватлалтме сеткым пидме цех умбакыже пашам ышта. Ты сомылым «Сердце матери» волонтёр мер организаций виктара.
Эртыше кечылаште тушто 500-шӧ тыгай сеткым пидыныт! Ты шкешотан изирак пайремым волонтёр-влак, пырля чайым йӱын, кутыралтен палемденыт. Тӱвыра пӧртыш кумылан кажне еҥ, 11 шагатлан миен, сеткым пидмашке ушнен кертеш.
«Сердце матери» организаций СВО-што улшо салтак-шамычын йодмышт почеш полышым чумырымо пашам тыгак чарныде виктара. Лишыл жапыште кок квадрокоптер ден ик мотоциклым налаш оксам (чылаже – 470 тӱжем теҥгем) поген шуктыман.
Кумылан-влак оксам 2202 2036 1365 5283 №-ан Сбербанк картыш (Корчагина Светлана Николаевна лӱмеш) «благотворительность» манын палемден колтен кертыт. Полышым организацийын офисышкыжат тыгай адрес дене намияш лиеш: Йошкар-Ола, Эшкинин урем, 10б №-ан пӧрт, 201-ше каб.
«Сердце матери» организацийын архивше гыч налме фото.