Россий Правительстве калык ончылно Кугу Отечественный сар годым нацист-влакын совет калык шотышто геноцид факт лийын огыл манын ойлымылан уголовный дела почеш мут кучаш шогалташ законопроектым чынлан шотлен.
Тыгак колышо-влакын шарнымашыштым шӱктарымашымат тышке пуртымо. Поснак Уголовный кодексын 243.4-ше статьяж почеш, салтак шӱгарлам да Ачамландым аралыше-влакын памятникыштым, совет калыкын геноцидшын жертвыже-влаклан мемориалым локтылмылан вич ий марте эрык деч посна кодаш палемдалтеш.