Сеҥымаш кечын Йошкар-Оласе вич верыште салтак пучымышым пукшеныт.
Пучымыш дене Ленин лӱмеш площадьыште, Тӱвыра да каныме рӱдӧ паркыште, Сеҥымаш паркыште, Россий армийын да Сеҥымашын ХХХ идалыкше лӱмеш тӱвыра полат-влак воктене сийленыт. Тушонкан шемшыдаҥ пучымышым ты гана 7000 еҥ тамлен ончен. Тыгак нунылан шокшо чайым темленыт. Тений сийлыме шотышто шкешотан рекордым шындыме. Ола администрацийыште палемдыме почеш, шокшо кочкыш ончычсо деч кум пачаш шукырак еҥлан логалын.