
10 октябрь – Ялозанлык да перерабатыватлыме промышленность пашаеҥ-влакын кечышт.
Марий Эл Республикысе агропромышленный комплексын пагалыме пашаеҥже да ветеранже-влак!
Ялозанлык да перерабатыватлыме промышленность пашаеҥвлакын кечышт дене саламлем!
Тиде пайрем шочмо мландыште тыршыше, калыклан сай качестван продукцийым ямдылыше да продовольствий шотышто элнан лӱдыкшыдымылыкшӧ верч тыршыше еҥ-влакым уша.
Марий Эл ялозанлык регионлан шотлалтеш да Российысе рынкыште ик эн ончыл верым налеш. Республикысе аграрий-влак сай шурно лектышым налыт да Марий Элыште веле огыл, тыгак Российысе моло кундемыште шке саскаштым, шурныштым темлат, вес элышкат шупшыктат.
Республикын правительствыже ялын волгыдо ончыкылыкшо верч шагал огыл тырша, ялозанлык отрасль сеҥымаш-влак утыр ялым тӱзаташ, корным ышташ таратат.
Ялозанлык производитель-влаклан РФ Президент В.В.Путинын указше почеш илышыш шыҥдаралтше нацпроект-влак, республикым социально-экономически вияҥдыме шотышто индивидуальный программе кугу полышым пуат. Марий Элыште кугу инвестиционный проект-влак илышыш пурталтыт, предприятийлаште производство кызытсе жаплан келыштаралтеш, ыштен лукмо продукций шукемеш.
Шке пашам чоным пыштен ыштымыдалан тауштем. Шочмо кундемым йӧратымылан да пӱртӱс поянлыкым аныклен кучылтмылан ялозанлык отрасльын ветеранже-влаклан кугу таум каласем. Те тачысе сеҥымашлан тӱҥалтышым пыштенда да шке паша опытдам кызытсе тукымлан коденда.
Чылалан пеҥгыде тазалыкым, пиалым, Марий Эл да Россий верч тыршыме пашаштыда чыла сайым тыланем!
Марий Эл Республикым вуйлатыше А.А.ЕВСТИФЕЕВ.