Марий Элыште илыше пагалыме еҥ да уна-влак!
Саламлем тендам волгыдо да йӧратыме теле пайрем-влак – У ий да Рошто – дене!
Нине пайрем-влакым ме поснак чон вургыжын, вашталтыш-влаклан ӱшанен вучена.
2020 ий тӱрлӧ шӧрынан лийын. Тӱнямбалне шучко чер озаланен. Тиде экшыкым кораҥдаш манын, ятыр паша ышталтын. Республикыште илыше-влак икоян, весылан полшаш ямде улмыштым пеҥгыдемденыт.
Нелылык-влак вашлиялтыныт гынат, 2020 ий событийлан поян лийын. Тений республиклан 100 ий теммым палемденна. Курымаш пайрем вашеш Марий Элыште шуко вашталтыш лийын. Тидлан В.Путинын нацпроектше-влак полшеныт.
Эртыше идалыкыште пытартыш кум ий жаплан кандашымше йочасадым ыштен шуктымо, 825 веран школым почмо, Волжск оласе школын тунемме корпусшым олмыктымо, ятыр ФАП-ыс чоҥымо да умбакыжат чоҥена.
Шергакан йолташ-влак! Чыла ойго ден чер тек эртыше идалыкыште кодыт. У ийыште чылан таза, аклыме, йӧратыме да йӧратыше лийза. 2021 ий тек кажне пӧртыш пиалым конда.
Марий Эл Республикым вуйлатыше А.А.Евстифеев.