Эртыше кечылаште Калуга олаште «Профессионалы – 2025» чемпионат мучашлалтын.
22 компетенцийыш ушнышо ойыртемалтше конкурсант-влакым Профессиональный образований федеральный технопаркыште саламленыт.
Марий радиомеханический техникумын студентше Марк Антонов («Оптоэлектроника» компетенцийыште шкенжым терген) команде дене таҥасыме «Эффективная команда» форматыште Сербский Республик гыч участник Драган Добриевич дене ший медальым налыныт.
Фотошто: Марий Элын делегацийже. Марк – шола гыч кокымшо.
Марий Элысе Образований да науко министерствын сайтше гыч налме фото.