Марий Элын Указше почеш марий поэт, драматург, журналист Александр Петровлан Марий Элын калык писательже лӱмым пуымо.
Документыште палемдыме: Марий литературышто да сылнымутышто кугу надырым пыштымылан А.А.Петровлан – Марий Эл Кугыжаныш Погынын председательжын алмаштышыжын полышкалышыжлан, Россий Писатель ушемын еҥжылан – «Марий Эл Республикын калык писательже» почётан лӱмым пуаш.
Александр Алексеевич 2004-2009 ийлаште «Кугарня» газетын тӱҥ редакторжылан пашам ыштен. «Марий Элын сулло журналистше» лӱмым сулен.