2021 ийысе пашам иктешлен, СМИ-лаште тыршыше-влакым саламлыме. «Марий Элын шӧртньӧ пераже» премийым ВГТРК-н «Марий Эл» теле да радиовещаний кугыжаныш компанийын программыже-влакым вӱдышӧ Вера Чистовалан кучыктымо.
2021 ийыште журналистике аланыште калыклан Марий Эл Республикын социально-экономический вияҥме пашажым сайын почын пуымо шотышто Марий Эл Правительствын премийжым налыныт:
– «Марий Эл Республикыште социальный алан да мер инициативе дене кылдалтше эн сай паша» номинацийыште «Марийская правда» газетын журналистше Наталья Кулишова;
– «Марий Эл Республикыште экономикын вияҥ толмыжым почын пуымо эн сай паша» номинацийыште ВГТРК-н «Марий Эл» ГТРК-н тематический вещаний дене группын кугурак редакторжо Анна Лобанова;
– «Марий Эл Республикыште ялозанлык пашам калыклан почын пуымо эн сай паша» номинацийыште «Край сернурский» газетын корреспондентше Алевтина Вшивцева;
– «Марий Элыште илыше калык-влакын шкешотан йӱлашт нерген возымо эн сай паша» номинацийыште «Марий Эл Телерадио» радиовещанийын ответственный редакторжо Марина Глушкова;
– «Марий Эл Республикыште йоча да самырык-влакын проблемыштым почын пуымо эн сай паша» номинацийыште «Кугарня» газетын корреспонденташе Надежда Моисеева;
– «Марий Эл Республикыште тӱвыра илышым калыклан намиен шуктымо эн сай паша» номинацийыште «Йошкар-Ола» рекламно-информационный агентствын авторский коллективше.