Российысе хор дене мурымо фестивальын Юл кундем федеральный округысо этапше эртаралтын. Тудо 31 октябрьыште Нижний Новгород олаште онлайн йӧн дене лийын. Фестивальыште 20 коллектив участвоватлен. Нуно Марий Эл, Татарстан, Чуваший, Пермь, Киров, Угарман, Самара, Саратов ден Ульяновск кундемла гыч лийыныт. Йошкар-Оласе «Лира» сымыктыш школын (тудо Бауман лицейыште верлана) «Узоры» йоча образцовый ансамбльын вокальный группыжо III степенян дипломым налын. И.С.Палантай лӱмеш «Тулгайык («Жар-птица», вуйлатышыже – О.Данилова) ансамбль шке ийготан-влак коклаште II верышке лектын. Саламлена!
