Марий Элыште илыше пагалыме еҥ-влак!
Саламлем тендам Марий тиште кече дене!
Марий йылме республикын шанче, тӱвыра да мер-политике илышыштыже чот кучылталтеш. Марий Эл Республикын 100 ияш идалыкшылан йылме да тӱвыра шотышто икмыняр кӱлешан проектым илышыш шыҥдарыме: руш-марий мутерым электрон версий дене, марий йылмысе таҥастарымаш-влак, марий-руш фразеологизм мутер-влакым савыктыме, марий йылмысе эпитет-влак мутер ямдылалтеш.
Марий Эл Республикысе Правительствын полшымыж дене марий йылме дене социально кӱлешан литератур, СМИ, информационный материал да нормативный правовой акт-влакын текстышт савыкталтыт.
Тӱшка тӱвыра мероприятий-влакым эртарыме годым Марий Эл Республикын кугыжаныш йылмыже-влакым иктӧр кучылташ лиеш.
Марий йылмым вияҥдымаште пытартыш жапыште шумо сеҥымаш-влак, мутат уке, шанчыеҥ-лингвист, марий йылмым туныктышо, вузысо преподаватель, компьютер технологий аланысе специалист, тыгак писатель, поэт, журналист да мер пашаеҥ-влакын пырля ыштыме паша лектышышт.
Чылалан творчествыште да наукышто у сеҥымашым тыланем.
Марий Эл Республикым вуйлатыше А.А.ЕВСТИФЕЕВ.