Марий Элым Вуйлатыше Ю.В.Зайцев Нижний Новгород олаш миен коштын. Тушто Угарман кундемын губернаторжылан шогалше Глеб Никитиным саламлен.
Инаугурацийыште ПФО-н полномочный представительже И.Комаров лийын. Тудо Г.Никитинлан еҥ-влакын ӱшанымыштым кӱкшын аклен.
Ты вуйлатыме должностьышто Г.Никитин куд ий пашам ыштен. Ты жапыште Угарман кундем инновацийын да пайдале пунчал-влакым лукмо шотышто символыш савырнен.
Ю.Зайцев ты областьын моторештмыж, уна ден турист-влакым шкеж деке ӱжмыж нерген ойлен. Тыгак промышленность, экономике, тӱвыра, науко сферлаште, туризмыште ончыкыжымат пырля пашам ыштена манын.