16 мартыште Марий Элым Вуйлатыше Ю.Зайцев РФ-н Чоҥымаш да ЖКХ министрже И.Файзуллин дене вашлийын.
Нуно «Жильё и городская среда» нацпроектысе федеральный проект-влакым илышыш шыҥдарымаш, регионысо чоҥымо пашам вияҥдымаш нерген мутланеныт.
2022 ийыште Марий Элыште 435,8 тӱжем кубометр илыме верым чоҥымо, тений кок тылзыште – 89, 1 тӱжем кубометрым.
«Оздоровление Волги» федеральный проект почеш 2023 ийыште Килемар, Марий Турек да Параньга районлаште кум объектым нӧлтат да уэмдат, Йошкар-Оласе очистной сооруженийыште пашам шуят.
«Чистая вода» федеральный программе почеш ыштышаш кандаш объектше гыч шымытше тений ямде лийшаш.