Марий Элысе промышленный производствын индексше 12,7 процентлан ешаралтын.
Марий Эл Вуйлатыше Ю.Зайцев промышленность да экономикым вияҥдыме министр С.Крылов дене кундемыштына ыштен лукмо сату-влакын лектышышт нерген мутланеныт. С.Крыловын палдарымыж почеш, идалыкын икымше пелийыштыже 113 миллиард теҥгеаш промышленный сатум ыштыме. Электрон ден оптике сатум эн шуко лукмо. Тыгак коваште гыч ямдылыме, автотранспортлан келшыше арверым ятыр ыштыме.