Марий Элым Вуйлатыше Ю.Зайцев РФ тӱвыра министр О.Любимова дене Москваште лиймыж годым вашлийын. Нуно республикыштына «Тӱвыра» нацпроектын илышыш шыҥдарыме нерген мутланеныт.
Ю.Зайцев 2023 ийыште ты проект почеш могай пашам ышталтшаш нерген каласкален. Мутлан, Кужэҥер районысо Йывансола тӱвыра пӧртым пужен олмыктышаш, Оршанке районысо Нужавлак тӱвыра пӧртым капитально ачалышаш улыт. Тыгак 2024-2025 ийлаште ыштышаш паша план дене палдарен. «Пушкин карте» федеральный программышке кундемна чолган ушнымо нергенат ойлен. Театрыш, тоштерыш, книгагудыш, тӱрлӧ тӱвыра тӧнежыш еҥ-влакын чӱчкыдын коштмыштым палемден.
Интернет гыч налме фото.