Марий кугыжаныш университет «Max Healthcare» ООО (Индийын ик эн кугу медорганизацийже) дене пырля пашам келшен ыштыме шотышто меморандумым подписатлен.
Тидым Индийын Москосо посольствыштыжо образований да общественный благосостояний министр Венкатешвар Винай Кумарын Марий Элыш толмыж годым ыштыме.
Вашкылым пеҥгыдемдыме дене Марий Элыште медицине кадрым ямдылыме да квалификацийым нӧлтымӧ системыш тӱнямбалне эн сай практике пурталтеш, тыгак кок эл коклаште медицине аланыште шинчымашым пуымо сомыл эшеат вияҥеш.
Ойпидышлан келшышын, Марий Элысе врач да МарГУ-со Медицине институтысо студент-шамычлан тений гыч ешартыш туныктымо программе-влакым илышыш шыҥдарат. Туныктымашке Индийысе тазалык аралтыш шотышто у технологий ден методике-влакым кучылтыт, нуным лач «Max Healthcare» ООО ямдылен. Теорий да практике могырым шинчымашым налаш, медицине термин-влакым англичанла палашат йӧн лиеш. Ты организацийын практике базылаштыже Индийын эн сай медицине специалистше-влак шке опытышт дене тунемше-шамычым палдараш тӱҥалыт.
МарГУ-н сайтше гыч налме фото.