26 мартыште Йошкар-Оласе Йоча да самырык-влакын усталык полатыштышт оласе школлаште тунемше-влаклан «Йошкар-Ола глазами детей» конференций эртаралтын.
Икшыве-влак Йошкар-Олам тӱзатыме шотышто шке проектышт дене палдареныт. Чылаже кумло тыгай пашам онченыт. Тушечын 15-шым сайлан шотленыт да икмыняр номинацийыште сеҥыше-влакым палемденыт. Тыге «Будущее Йошкар-Олы как центра экономического развития. Мой комфортный город» номинацийыште 24-ше номеран школын тунемшыже Е.Нефёдова ден 7-ше номеран школ гыч Е.Мухортов сеҥышыш лектыныт. «История и культурные традиции города Йошкар-Олы. Истоки духовных ценностей национальных культур» номинацийыште – 17-ше номеран школын тунемшыже Д.Кузнецова ден 21-ше номеран школ гыч К.Козьминых.
Йошкар-Оласе мэрын алмаштышыже С.Мухортовын палемдымыж почеш, Йошкар-Олам тӱзатыме шотышто икмыняр проектым илышышкат шыҥдараш лиеш.