Марий Элым Вуйлатыше Ю.Зайцев Йошкар-Оласе «iSpring» институтыш миен коштын. Тушто тудо ты тунемме тӧнежын пашажым шымлен.
Институтым вуйлатыше Ю.Усков туныктымо кабинет-влакым, лекцийым лудмо «Каскад» аудиторийым ончыктен. Шуко функциян «Под куполом» залыште институт нерген презентаций эртен.
Ю.Зайцев «iSpring» институтын тӱнямбал кӱкшытан улмыжым палемден. Вет кызытсе илышыште IT отрасль илышыште кугу верым налеш. Тыште тидын шотышто сай да келге шинчымашым пуаш чыла йӧн уло, кӱшыл квалификациян инженер-влакым ямдылыме паша сайын шукталтеш.