Москошто «Экспоцентр» рӱдӧ выставке комплексыште «Эн сай кочкыш сату – 2024» тӱнямбал конкурсым иктешлыме.
Тудым Российысе да Эрвел Европысо кочкыш да йӱыш дене кылдалтше «Продэкспо-2024» тӱнямбал выставке негызеш эртарыме. Тений ончерыш 40 эл гыч 2 тӱжем утла участник ушнен. Нунын коклаште Марий Элысе агропромышленный комплексын предприятийже-влак да 120 утла федеральный да регионысо ужалыме сеть лийыныт.
«Эн сай кочкыш сату» конкурсышто Йошкар-Оласе шыл комбинат ден Шернур районысо сыр завод шӧртньӧ медаль дене палемдалтыныт.