Моско олаште «Регион для молодых» Всероссийский конкурсын очный этапыштыже Марий Элын презентацийже лийын.
Марий Элым Вуйлатыше Ю.Зайцев Росмолодёжьын вуйлатышыже Г.Гуров дене кундемыштына молодёжный политикым вияҥдыме шотышто мутланен. Кызыт Марий Элыште 165 тӱжем самырык еҥ ила. Нунылан кундемыштына у рӱдер-влакым чоҥат, тӱрлӧ грант да премий дене полшат, спортым да шинчымашым нӧлтат. Тӱҥжӧ – самырык еҥлан шке кундемыштак пашам ышташ да вияҥаш 1ӧным ыштат. Пытартыш кум ийыште тидлан ешартыш 317 миллион теҥгем ойырымо, инфраструктурым уэмдыме, 50 наре мероприятийым эртарыме, грант программым илышыш пуртымо.
Июнь мучаште конкурсын сеҥышыже-влакым палемдат. Нунылан шке кундемыштышт молодёжный политикым вияҥдаш федеральный оксам ойырат.