«Автомобильные дороги» журналын редакторжым Марий Элысе корно-влак ӧрыктареныт.
Ирина Камаева Марий кундемыш унала толын. Тудын дене пырля «Марийскавтодорын» пашаеҥже лийын.
Журнал редакторлан «Безопасные качественные дороги» нацроект дене 2019 ийыште ачалыме корно-влакым ончыктеныт. Поснак Йошкар-Ола — Вӱрзӧ да Нурсола — У Торъял кугорныла И.Камаевалан келшеныт.
