Шукерте огыл Марий Элыште 2019-2024 ийлаште «Здравоохранений» нацпроект шукталтмым иктешленыт.
Ты жапыште 18 ФАП-ым чоҥымо, 11 куснылшо медкомплексым налме.
Шӱм-вӱргорно чер ваштареш кучедалаш 47 оборудованийым налме.
Амбулаторный онкологий полышым пуымо 3 рӱдерым почмо, тидлан 71 оборудованийым налме.
Йочам эмлаш у 82 оборудований толын.
Вич медицине тӧнежым чоҥымо, шымытым олмыктымо, тушко 40 оборудованийым да 30 автомашинам налме.
Республиканский йоча клинический эмлымверын инфекционный корпусшым чоҥаш тӱҥалме.
«Земский доктор» ден «Земский фельдшер» программыла дене 187 медпашаеҥ пашам ышташ тӱҥалын. ФАП ден амбулаторийлаште 99 процент марте пашаеҥ-влак ешаралтыныт.
2024 ийыште врач-влаклан илыме верым саемдаш 3 млн теҥге социальный выплатым тӱлаш тӱҥалме. Кодшо ийын тудымн ныл врач налын. Тений эше 10 специалистлан полшаш палемдыме. Тидлан 30 млн теҥгем ойырат.
Тыгак «Продолжительная и активная жизнь» ден «Семья» нацпроект-влак почеш пашам ышташ, репродуктивный тазалыкым пеҥгыдемдаш да аза шочмашым шукемдаш, специалист-влакым ешараш да искусственный интеллектым шыҥдараш палемдыме.