4-5 июльышто Марий Элысе школлам тунем пытарыше выпускник-шамыч уэш ЕГЭ-м сдатленыт.
Тушко тӱҥ шотышто экзамен годым начар результатым ончыктышо ӱдыр-рвезе-влак ушненыт. Тидлан 402 выпускник йодмашым пуэн, экзаменым сдатлаш 362 еҥ толын. Марий Элысе информационный технологий рӱдерын палдарымыж почеш, 79 процент выпускник результатшым саемден гын, 13,97 процент, мӧҥгешла – иземден, 7,54 процентше тунарак баллым поген.