29 апрель гыч 3 май марте Москосо «Экспоцентр» выставке комплексыште «Сокровища Севера. Мастера и художники России-2024» XIX тӱнямбал ончер-ярмиҥга эртаралтеш. Тышке мийыше-влак Йӱдвелысе, Сибирьысе да Мӱндыр Эрвелысе шагал чотан тӱп калык-шамычын ятыр курымла дене аралалтше шкешотан тӱвырашт дене палыме лийыт. Ончер-ярмиҥгашке кажне ийын художник, кидмастар, артист да кугыжаныш кучемын еҥже-влак ушнат. Нуно тӱрлӧ областьысе сеҥымашышт дене палдарат да икте-весышт дене опытым пайлат. Мурманск область тений саам мастар-влакын кидпашаштым ончыкта.