Кодшо кечылаште сӱретче Т.Сагельдина дене адак вашлияш кугу амал лекте: марий художник-влакын ушемыштышт тудо шке пашаже-влакым ик верыш чумырен. Ончерым официально 26 январьыште почмо.
Оласе ӱдыр ялым йӧрата
Сӱретче Татьяна Сагельдинан сылне сӱретлаж дене икмыняр ий ончыч палыме лийынам ыле. Самырык еҥын радыналаштыже моторлыкым, куаным да канде тӱсым йӧратымыжым шижын, 2019 ийыште «Канде тӱсым муын моштышо» вуймутан статьям лекте.
У ончерже марий ача-аван ӱдырышт чылт марий кумылан да шӱлышан манын пеҥгыдемдыш. Ачаж ден аваже У Торъял район район гыч улыт, Эмилия Ефремовна – Кугу Кемсола ялын ӱдыржӧ, Вениамин Иванович – Кугу Лумарийын эргыже. Пытартыш кок кеҥежым Татьяна лачак аважын шочмо суртышкыжо шуко гана миен коштын да икмыняр у радынам шочыктен. Лачак 20 наре сӱретшым да тынарак фотографийжым у выставкыштыже ужына.
Т.Сагельдина М.Шкетан лӱмеш Марий драмтеатрыште декораторлан тыршымыж годым икымше ончержым калык ончыко луктын ыле. Тудым «Деревенька моя» манын лӱмден. Тылеч посна Курчак театрыште художественно-постановочный ужашым вуйлатен. А кызыт Йошкар-Оласе художественный училищыште «Рисунок» ден «Живопись» предметлам туныкта. Ончерым почмашке Татьяна Вениаминовнам саламлаш студентше-влакат толыныт.
УМБАКЫЖЕ — «Кугарня» газетыште (3 февраль 2022 ий).
