Сӱретчылан пӧлеклалтын

Российын калык сӱретчыже Зосим Лаврентьевын (06.04.1933-16.09.2020) шочмыжлан 89 ий теммылан пӧлеклалтше выставке-влак кодшо кечылаште Салымсолаште Игнатьев лӱмеш краеведений тоштерыште да Козьмодемьянскысе художественно-исторический музейыште почылтыныт. 

Радына-влакым художникын пелашыже Валентина Кузьминична пӧлеклен.

Выставкым почмашке палыме курыкмарий сӱретчын родо-тукымжо, йолташыже, тудын творчествыжым аклыше-влак погыненыт. З.Лаврентьев нерген поро шомакым шӱжарже Лидия Фёдоровна, тукым шольыжо Сергей Мефодьевич, уста марий сӱретче-влак Иван Ямбердов ден Сергей Алдушкин, образцовый «Шыжарвлӓ» кӱслезе-влак ансамбльым вуйлатыше Фаина Эшмякова да молат ойленыт.

Валентина Карпушкина «Кого ныр цицок» тошто калык мурым муралтен.

Марина ПОЧТЕНЕВА.