Йошкар-Оласе судебный пристав-влакын 1-ше №-ан пӧлкаштыже оксам банклан пӧртылтымӧ шотышто исполнительный производствым почмо. Парыман еҥ шке кумылын оксам пуэн огыл. ГИБДД-н данныйже почеш, пӧръеҥын «МIТSUВISНI LАNСЕR» машинаже лийын. «Мобильный розыск» приложений полшымо дене автомашина шогымо верым муыныт да арестоватленыт.
Тунамак пӧръеҥ чыла парымжым петырен, автомашинажым пӧртылтен. Ты кечын тудын лач сӱанже лийын улмаш.
ФССП службо парымым жапыштыже тӱлаш кӱлмӧ нерген ушештара. Парым улмым сайтыште (https://fssp.gov.ru/iss/ip) «Сервисы» йӧн дене терген кертыда.
А 20 ноябрьыште 14 гыч 16 шагат марте кок «шокшо линий» пашам ышташ тӱҥалеш. Кугыжаныш службыш пураш шонышо еҥ могай лийшаш да мом ыштышаш, кугурак инспектор Е.Г.Котов вашешта. Телефон номер: 8 (8362) 68-49-61.
Тиде жапыштак судебный да моло акт, парымым пӧртылтымӧ шотышто темлымашым да полышым С.В.Вылегжанин пуа. Телефон: 8 (8362) 68-49-71.