Рябинин урем Йошкар-Олан рӱдӧ ужашыштыже верланен. Коммунистический ден Осипенко уремла корнывож гыч тӱҥалеш да Суворов урем марте шуйна.
1939 ий шыжым СССР-ын вооружений калык комиссариатше 297-ше № -ан (кызыт Марий Машиностроитель) ден 298-ше № -ан (кызыт Полупроводник прибор-влак) завод-влакым ыштыме нерген пунчалым луктын. 1940 ийыште завод-шамычым чоҥымо районышто паша посёлкым ышташ тӱҥалыныт. 1941 ийыште ты кундемыште верланыше ик уремлан Заводской лӱмым пуэныт.
Кугу Ачамланде сарыште сеҥымашын 30-шо идалыкше лӱмеш Заводской урем лӱмым Совет Ушем Герой, мемнан землякна Николай Сергеевич Рябининын лӱмжылан вашталтеныт.
Н.С.Рябинин 1909 ий 5 майыште Оршанке район Кугунур селаште шочын.