17 мартыште Марий Элыште тунемше-влак коклаште самырык-влакын Российысе спартакиадыштын телымсе туржо лийын.
Тушко кундемнан 13 районжо ден олалаж гыч 100 утла рвезе погынен. Спартакиадыш лӱйкалымашым, кирым нӧлтымым, силовой гимнастикым, полиатлоным, ече таҥасымашым пуртымо.
Лӱйкалымаште Марий Турек район гыч Кирилл Фадеев (1-ше вер), Ильдан Кашапов (2-шо вер) ойыртемалтыныт.
Кирам нӧлтымаште 1-ше верым Волжский район гыч Даниил Швецов, 2-шо верым Марий Турек район гыч Никита Аканаев налыныт.
Полиатлон дене личный зачётышто 1-ше верышке Волжский район гыч Никита Самарский, 2-шо верышке Параньга район гыч Иван Веселов лектыныт.
Ече таҥасымаште 1-ше верым Волжский район гыч Антон Тимофеев сулен, 2-шо верым – Волжский район гыч Николай Малышев ден Параньга район гыч Иван Веселов.
Телымсе полиатлон дене 1-ше верым Волжский, 2-шо верым Марий Турек, 3-шо верым Советский район-влакын командышт налыныт.