31 август гыч 4 сентябрь марте Йошкар-Олаште «Русская классика: читаем, слушаем, смотрим» культурно-просветительский проектын кумшо этапше эртаралтеш.
Руш йылмым, тÿвырам, сылнымутым да кинематографийым вияҥдаш манын, 2017 ийыште Тÿнямбалысе программе да кинофестиваль рÿдер саде проектым ямдылен.
Тылеч ончыч проект Сербийыште, Таджикистаныште, Ливаныште, Узбекистаныште, Белоруссийыште, Абхазийыште да Литваште шыҥдаралтын.
2020 ий гыч Россият ушнен. Тений мероприятийым Хакасий, Марий Эл, Татарстан да Йÿдвел Осетийыште-Аланий республиклаште ямдылаш палемденыт.
31 августышто Марий Эл Республикын Т.Евсеев лÿмеш Калыкле тоштерыштыже 15 шагатлан «Весь узел русской жизни сидит тут. «К 350-летию со дня рождения Петра I» ончер почылтеш.
А 16 шагатлан Л.Н.Толстойын петровский эпохыжлан пöлеклалтше пашаже-влак нерген лекций лиеш.