2024 ийыште Марий Элыште Федеральный Сабантуй эртаралтеш. Тудо Медведево район Руэм посёлкысо ипподромышто лийшаш.
Кызыт черетан XXIV Федеральный Сабантуйлан инфраструктурым ямдылат. Икымше этапыште тидлан республикысе бюджет гыч 45 млн теҥгем ойырымо. Марий Элым Вуйлатыше Ю.Зайцев кодшо кечылаште ипподромым ончал савырнен да икымше этапысе пашам аклен. Ончыкыжымат ямдылалтме сомылым тергаш тӱҥалам манын. Эше июльыштак пайремын символжым Марий Эллан пуэныт.