19-23 июньышто Татарстаныште Российысе йоча фольклориаде кокымшо гана эртен. Тудо Российын 80 регионжо гыч тӱжем утла участникым поген. 2022 ийыште икымше гана ты мероприятий Чуваш республикыште, Чебоксар олаште эртен.
Российысе йоча фольклориадышке Марий Эл гыч «Лира» йоча сымыктыш школын «Узоры» йоча образцовый ансамбльже миен. Ансамбльын самырык участникше-влаклан ты фестиваль ятыр волгыдо шижмашым коден.
Фото: Ангелина Речкина