11 майыште Оренбургышто 2025 ий марте Юл федеральный округышто шуктышаш РФ-ын Кугыжаныш национальный политике стратегийжым да этнический ден конфессий кокласе моло аспектшым каҥашыме.
Тудым РФ Президентын администрацийжым вуйлатышын алмаштышыже М.Магомедов ден РФ Президентын ПФО-што полномочный представительже И.Комаров вӱденыт.
Марий Эл Правительстве Председательын икымше алмаштышыже М.Васютин республикыштына ты стратегийын шукталтмыж, тидлан исполнительный кучемын практикыже да задачыже-влак нерген докладым ыштен. Тудын палемдымыж почеш, кундемыштына тӱрлӧ национальностян еҥ-влак коклаште кыл сай, тидымак пеҥгыдемдат социологический шымлымаш-влак.
«Стабильностьын негызшылан этнический тӱшка-влак коклаште исторически келшен илымаш шотлалтеш. Тыгак кугыжаныш кучем ден верысе самоуправлений орган-влак региональный законодательствыште да практический пашаште кугыжаныш национальный политике шотышто тӱрлӧ пашам шуктенак шогат. Кундемыште национальный политике сферыште нормативно-правовой базым ямдылыме, тудын почеш ятыр сомыл ышталтеш», – каласен Михаил Зиновьевич.
УМБАКЫЖЕ — «Кугарня» газетын 19 майысе номерыштыже.