25 ий ончыч, 1 мартыште, гвардий подполковник Марк Евтюхинын командоватлыме 6-шо рото террорист-влакын Кавказыште Аргунский ущелье гоч эртымыштым чарен. Боевик-шамыч десантник-влак деч 20 пачаш шукырак лийыныт гынат, мемнан рвезе-влак тушманым ончык колтен огытыл. Марк Николаевич ден тудын подразделенийжын боецше-влак задачым шукташл эн шергаканым – илышыштым — пуэныт.
2021 ийыште Йошкар-Оласе Сеҥымаш бульварыште 6-шо ротын подвигшылан пӧлеклалтше Шарнымаш Аллейым почмо.
6-шо ротын подвигше нерген республикыштына илыше-влак шукын палат, вет Российын Геройжо Марк Евтюхин Марий Элын рӱдолаштыже шочын. Йошкар-Ола тудлан эре шочмо-кушмо олаже лийын, тудым чот йӧратен. Илаш вес вере куснен гынат, кажне кеҥежым тышке толын кошташ тыршен.
Марк Евтюхинын да 6-шо ротын боецше-влакын геройлыкышт нерген шарнымаш курымашлан кодеш. Лидия Ивановна шке эргыжын бюстшо воктеке пеледышым пыштыш. Тыгак нунын еш дене илыме пӧрт деке миен да Марк Евтюхин лӱмеш уремым ужын.