5 мартыште Мурманскыште спортивный туризмын ече дистанцийыштыже Российын чемпионатшын икымше кечыже эртаралтын. Спортсмен-влак кужу дистанцийын связке дене таҥасымашыштыже ӱчашеныт.
Марий Элын ныл спортсменже ты программе почеш таҥасымашыште чемпион лӱмым сулен. Константин Рожков ден Георгий Дмитриев, Екатерина Николаева ден Валерия Шнайдер связке дене куржмаште финишыш эн ончыч толыныт. Рустам Урдяков ден Михаил Петров кудымшо лийыныт, Мария Петренко ден Алия Ибрагимова – шымше.
